سرب الحمام في القفص فارد جناحاته
لا عُمره يعرف خوف و لا ذُل في حياته
مصر البتول في القفص بتحاكم السجان
و الخاين اللي نكص .. مش حُر ... مش إنسان
سرب الحمام في السما ... أعلى من القُضبان
و عالمنصه ذليل ... حاكم بأمر جبان
***
سرب الحمام يا جميل يا غض يا أخضر
لو كان لي فيكُم " فرد " كُنت امشي أتبختر
و اتباهى بين الخلق : آدي بنتي يا عسكر
رافعه " السلاح " بالون ... يهدد الجلاد
و توبها أبيض طهور ... بالمسك متعطر
***
طارق فهمي حسين
2 ديسمبر 2013
