١١٠٠
في الفترة الناصرية
كان عندنا عربية
ماركة نصر ألف ومية
كان لونها رمادي مع إن المرحلة
كانت غير رمادية!
كُنا ف شقة إيجار.. شبابيكها بحرية
وبنت جيراننا جميلة وعيونها عسلية
التعليم مجانًا.. والمريلة بُنّية
وف إعدادي كاروه والمدرسة..
كان إسمها " فتحية"
كانت جنب البيت وكان جنبها جمعية
في الجمعية دواجن وزيوت وصابون
كل حاجات الستر..
كانت في الجمعية
والمدرسة.. كانت قومية
والأحلام.. وردية
في الفترة الناصرية
كان عندنا عربية
ماركة نصر.. ألف ومية
وبنت جيراني جميلة
والأحلام.. كانت وردية.
في الفترة .. الناصرية..
طارق فهمي حسين
١٠ مارس ٢٠٢١
ليست هناك تعليقات:
إرسال تعليق