ذكرى ميلاد صلاح جاهين .
=====
صباح الخير يا مصر و كُل سنة و إنت طيبة .
النهارده عيد ميلاد صلاح جاهين
عيد ميلاد البهجة و الدهشة و الحُزن النبيل أيضاً
النهارده عيد ميلاد “ صحصح “ و الليلة الكبيرة و روائع مسرح العرائس اللي إتربى عليها خيال و وجدان أجيال
النهارده عيد ميلاد أجمل ما كُتب في العامية المصرية من رُباعيات على وجه الإطلاق
النهارده عيد ميلاد الكاريكاتير العبقري اللي صنع مجد مجلة صباح الخير ، و خلى ملايين تستنى جورنال الأهرام كُل يوم علشان تشوف صلاح جاهين راسم و قايل إيه ، الكاريكاتير اللي أنصاف الموهوبين بيسرقوا منه لحد دلوقت و بيصنعوا لنفسهم أسماء !!!
النهارده عيد ميلاد “ مُمثل “ سينمائي كلنا حبيناه في أدواره القليلة رغم إنه ماكانش راضي عن تمثيله !!!
النهارده عيد ميلاد الراجل اللي من حُبه في مصر أهداها سُعاد حُسني و محرم فؤاد و فؤاد قاعود و ناس جميلة كتير ، و كمان أهداها من صُلبه بهاء و أمينة و سامية جاهين و شارك في إهداءها أحمد و سلمى حداد و عمر جاهين
النهارده عيد ميلاد صديق طفولتي اللي كان بيشدني من البابيون مُداعباً و كنت بحب شكله أوي “ عمو صلاح أبو شكل جميل “
كُل سنة و انت طيبة يا مصر طول ما بتتردد في جنباتك و بتتكتب على حيطانك أشعار صلاح جاهين.
النهارده عيد ميلاد صلاح جاهين
عيد ميلاد البهجة و الدهشة و الحُزن النبيل أيضاً
النهارده عيد ميلاد “ صحصح “ و الليلة الكبيرة و روائع مسرح العرائس اللي إتربى عليها خيال و وجدان أجيال
النهارده عيد ميلاد أجمل ما كُتب في العامية المصرية من رُباعيات على وجه الإطلاق
النهارده عيد ميلاد الكاريكاتير العبقري اللي صنع مجد مجلة صباح الخير ، و خلى ملايين تستنى جورنال الأهرام كُل يوم علشان تشوف صلاح جاهين راسم و قايل إيه ، الكاريكاتير اللي أنصاف الموهوبين بيسرقوا منه لحد دلوقت و بيصنعوا لنفسهم أسماء !!!
النهارده عيد ميلاد “ مُمثل “ سينمائي كلنا حبيناه في أدواره القليلة رغم إنه ماكانش راضي عن تمثيله !!!
النهارده عيد ميلاد الراجل اللي من حُبه في مصر أهداها سُعاد حُسني و محرم فؤاد و فؤاد قاعود و ناس جميلة كتير ، و كمان أهداها من صُلبه بهاء و أمينة و سامية جاهين و شارك في إهداءها أحمد و سلمى حداد و عمر جاهين
النهارده عيد ميلاد صديق طفولتي اللي كان بيشدني من البابيون مُداعباً و كنت بحب شكله أوي “ عمو صلاح أبو شكل جميل “
كُل سنة و انت طيبة يا مصر طول ما بتتردد في جنباتك و بتتكتب على حيطانك أشعار صلاح جاهين.
طارق فهمي حسين
٢٥ ديسمبر ٢٠١٧
شكرا يا طارق على مشاعرك وكتابتك الجميلة. هو انا كده بقيت متابعة ولا لازم اعمل خطوة كمان؟
ردحذفبل الششُكر ، كُل الشُكر ليكي .
حذف